Maxfiylik siyosati

Kimmiz

Bozorchi — Toshkent bozorlaridagi do‘konlar va mahsulotlarni topish ilovasi. Ushbu siyosat ilova, sotuvchi kabineti va ulashilgan havola sahifalariga tegishli.

Qanday ma’lumot yig‘amiz

• Telefon raqam — kirish uchun. Kirish kodi Telegram’dagi Bozorchi boti orqali yuboriladi: buning uchun raqamingizni botga ulashasiz, biz raqam bilan Telegram chat va foydalanuvchi ID’sini bog‘lab saqlaymiz. Ism va til — o‘zingiz kiritsangiz.
• Sotuvchilar: do‘kon nomi, bozor, rasta raqami va manzili, do‘kon nuqtasi (GPS yoki xaritada belgilangan), e’lonlar, narxlar va rasmlar. Bu ma’lumotlar xaridorlarga ochiq ko‘rinadi.
• Rasmlar: yuklashda rasm ichidagi meta-ma’lumotlar (jumladan suratga olingan joy koordinatalari) o‘chiriladi.
• Joylashuv: faqat siz ruxsat berganda — yaqin do‘konlarni saralash va yo‘l ko‘rsatish uchun. Xaridorning joylashuvi serverda saqlanmaydi.
• Sevimlilar, sharhlar, shikoyatlar va push-bildirishnoma tokeni.
• Ko‘rishlar soni: kirgan foydalanuvchi uchun ID, boshqalar uchun IP va brauzer ma’lumotining qaytarib bo‘lmaydigan xeshi (IP manzil saqlanmaydi), 35 kun.
• Xatolik hisobotlari: ilova ishdan chiqqanda xato matni, qurilma platformasi va ilova versiyasi, 30 kun.

Ma’lumot kimga uzatiladi

• Kirish kodi — Telegram (Telegram Messenger) orqali, bizning bot yordamida yuboriladi.
• Push-bildirishnomalar — Expo xizmati orqali.
• Xarita va piyoda yo‘nalish — OpenStreetMap asosidagi xizmatlar; yo‘l chizish uchun boshlang‘ich va manzil nuqtalari yuboriladi.
• Rasm bo‘yicha qidiruv — rasm serverimizda tahlil qilinadi; agar yoqilgan bo‘lsa, aniqlikni oshirish uchun Anthropic (Claude) xizmatiga ham yuborilishi mumkin. Qidiruv rasmi saqlanmaydi.
• Ma’lumotlarni sotmaymiz va reklama uchun uzatmaymiz.

Saqlash va o‘chirish

Hisobingizni ilovada «Profil → Hisobni o‘chirish» orqali istalgan vaqtda o‘chirishingiz mumkin: hisob, do‘kon, e’lonlar, rasmlar va sevimlilar o‘chiriladi. To‘lov yozuvlari buxgalteriya uchun shaxsga bog‘lanmagan holda qoladi.

Huquqiy asos

Ma’lumotlar O‘zbekiston Respublikasining «Shaxsga doir ma’lumotlar to‘g‘risida»gi Qonuniga muvofiq, xizmatni ko‘rsatish uchun zarur hajmda qayta ishlanadi.

Bolalar

Xizmat 16 yoshdan kichiklar uchun mo‘ljallanmagan.

Aloqa

Savollar uchun ilovadagi shikoyat bo‘limidan foydalaning.